Þjónustan

Vopnabúrið stendur fyrir samþættri þjónustu, snemmtækri íhlutun, forvörnum og skaðaminnkandi áhrifum. Vopnabúrið býr yfir þremur þjónustustigum fyrir skjólstæðinga sem tekur á þáttum andlegs jafnt sem líkamlegs heilbrigðis þar sem horft er fram á félagslega virkni og frekara jafnvægi í daglegu lífi.

Starfið sjálft snýst um að mæta hverjum og einum þar sem hann er staddur hverju sinni og ekki verið að leitast eftir sökudólgi heldur lausnum og hvernig hægt er að gera betur og bæta fyrir. Þá er rauði þráðurinn Tómstundir og áhugamál þar sem skjólstæðingar geta valið sér þá tómstund/áhugamál og/eða íþrótt sem þeir vilja prófa sig áfram í. Þá er ávallt í boði að skipta út tómstund/áhugamáli/íþrótt ef viðkomandi sér ekki fram að vilja stunda hana áfram. Í gegnum það starf fer fram samtals- og umhverfismeðferð þar sem verið er að grípa það sem er skjólstæðingi efst á baugi hverju sinni hvort sem um ræðir áfall, sorg og/eða að viðkomandi vilji leita lausna á vanda sínum. Leitast er ávallt eftir því að koma á betra jafnvægi í leik og starfi auk aðstoðar með uppsetningu hversdagsrútínu þar sem grunnþarfirnir svefn, næring og hreyfing er í forgrunni. Þá er einnig í boði að sérsniða æfingar- og mataráætlun að hverjum og einum ásamt eftirfylgni. Þá er í boði markviss stuðning inn í hverdagslíf skjólstæðinga ef málefni viðkomandi er þeim mun flóknari. Þá er horft til að koma á betra jafnvægi á milli heimili, skóla, félagslífs, vinnu og tómstunda/áhugamála. Í þessu tilfelli getur verið að ræða um einstaklinga sem þurfa á langvarandi stuðningsþörfum að halda (málefni fatlaðra), einstökum barnaverndarmálum og/eða einstaklinga með hinar ýmsu greiningar. Í slíku tilfelli getur einstaklingurinn verið farinn að sýna merki um m.a. skólaforðun, samskiptaörðugleika, fíkni- og/eða hegðunarvanda, komast í kast við lögin og sækir í óæskilegan félagsskap svo fátt eitt sé nefnt. Þörf er á utanumhaldi heima fyrir og hversdagsrútínu.

​

Starfið er unnið á grundvelli félagsráðgjafar, atferlisfræða, valdeflingar, lausnamiðaðra- og tengslamyndandi nálgana þar sem hjálp til sjálfshjálpar er fremst í flokki. Þá fer fram meðferðarvinna þar sem unnið er með hinar ýmsu nálganir sem henta hverju sinni. Samvinna við skjólstæðinga er höfð í forgrunni þar sem börnin/ungmennin eru sjálf við stýrið þar sem þau geta tekið sínar eigin ákvarðanir til að hafa áhrif á eigið líf. Þá er notast við athafnasamninga/dagssamninga, sem hafa fræðilegan grunn að sækja til atferlisfræða, sem eru hvatningar- og umbunarkerfi þar sem unnið er með daglegar athafnir og hversdagsleika skjólstæðingsins, en það fer eftir þörfinni hverju sinni hvort slíkt kerfi eigi við. Samningarnir gera skjólstæðingum kleift að hljóta umbun fyrir vel unnin störf. Heildarsýn er höfð að leiðarljósi í hverju máli fyrir sig og öllum steinum velt upp svo vel sé gert. Þá er leitast við að vinna með þá styrkleika sem hver og einn skjólstæðingur býr yfir þar sem þeim er gert hátt til höfuðs og verða rauði þráðurinn í starfinu. Þá er ávallt horft til þess að koma enn frekara jafnvægi á milli heimilis, skóla og tómstunda og eru þar grunnþarfir skjólstæðinga fremst í flokki svefn, næring, hreyfing og félagsleg virkni.

​

​Starfið gengur út frá því að foreldrar/forsjáraðilar, aðstandendur og/eða umönnunaraðilar fái ráðgjöf og stuðning í hvívetna ásamt þeirri meðferðarvinnu sem hentar hverju sinni á meðan unnið er með barnið/ungmennið. Starfið byggist á þverfaglegri samvinnu og eru haldnir reglulegir samráðsfundir með lykilaðilum og þeim sem að málefnum skjólstæðingsins koma hverju sinni.

Vopnabúrið býr yfir ótæmandi lista af tómstundum sem spanna vítt róf m.a. allar tegundir af hjólreiðum, hestamennsku, flugmennska, líkamsrækt af ýmsum toga, akstursíþróttum, hugarró, hugleiðslu/slökun/yoga, tónlistarvinnsla í stúdíói, rafíþróttir, pílukast, bogfimi, skák, ýmisskonar borðspil, allar boltaíþróttir og síðast en ekki síst fræðsla um heilbrigði og jafnvægi í daglegu lífi.

​

Framkvæmdarstjóri Vopnabúrsins vinnur með skjólstæðingum og býr yfir fagþekkingu og starfar sem félagsráðgjafi Ma með víðtæka reynslu sem barnaverndarstarfsmaður, eftirlitsaðili fyrir barnavernd og áður fyrr sem lögreglumaður og einkaþjálfari. Þá er ávallt horft til þess að fagaðili með tilheyrandi menntun starfi með fjölskyldunni bæði í leik og starfi.

Starfsemi Vopnabúrsins hefur hlotið öll þau tilskilin leyfi sem krafist er og uppfyllir allar þær faglegar lágmarkskröfur sem gerðar eru til slíkra úrræða t.a.m. starfsleyfi Heilbrigðiseftirlitisins, rekstrarleyfi frá embætti landlæknis auk starfsleyfis frá Gæða- og eftirlitsstofnun félagsþjónustu og barnaverndar. Ef óskað er eftir frekari upplýsingum hvað varðar leyfi er hægt að senda tölvupóst með því að smella á Hafðu samband hnappinn hér fyrir neðan.